– كيف كانت البداية ، و ماهي أول بطولة دولية أحرزت بها المركز الأول
البداية ..
كانت علي يد والدي ” ضابط بحري ” حببني في السباحة وكان بيخدني ديماً معا وانا صغير القاعدة البحرية وكنت بنزل المياه مع الدفاع البشرية .. اتمرن معاهم قبل ما التحق بالمدرسة العسكرية في سن ١١ سنة …
– أول بطوله دولية كانت بأسم مصر عام ٢٠٠٣ وشاركت في سباقين ٦ كيلو وتاتباع وحققت المركز ١٢ علي العالم فردي وخامس عالم تتتابع ..
– أبرز التحضيرات اللي بتشتغل عليها قبل البطولات الكبري
أهم الحاجات الي بشتغل عليها الانتظام في التدريب اليومي فتنس ومياه والتدريب ديماً ضعف المسافة الي هسابق فيها
– الصعوبات اللي بيواجها السباح المصري في البطولات العالمية
قله الامكانيات المادية للمواظبة علي برنامج غزائي ورياضي وشراء المكملات عشان يقدر يكمل ويوصل للمراكز الاولي
– ماذا تحتاج السباحة المصرية ليكون أبطالها أصحاب بطولات عالمية بشكل مستمر
تحتاج الاستمرارية في التدريب اخذ المدربين اكتر عدد من الدورات والاطلاع علي العالم الخارجي عشان نمشي معاهم في ارقامهم القياسية …
– هل الحفاظ علي لقب بطولة يشكل ضغط علي السباح
الحفاظ علي الرقم القياسي والمركز الاول صعب جداً وبيكون ضغط عصبي كبير عليك عشان كل الناس الي بتثق فيك وبنشجعك بكل بساطة اتعودت منك علي ديماً المركز الاول فا المركز الثاني مش هبيتقبلو ودا بيكون ضغطوا عصبي عليك طبعاً …