شن هيثم فاروق نجم الزمالك السابق النار على الجميع بعد خسارة الزمالك أمام الترجي التونسي بهدف دون رد في المباراة التي جمعت الفريقين في الجولة الرابعة من دور المجموعات.
و صرح «فاروق»، خلال حديثه بقناة بي إن سبورت أثناء تحليله لمباراة الزمالك والترجي: «نادي بيتحل مجلس إدارته وبيمشي المدرب كمان علشان يجيب مدرب تاني في وقت زي ده، منتظرين أيه اللي يحصله في ماتش زي ده».
وتابع هيثم فاروق: «لاعبي الزمالك لا تستحق نهائيًا كلمة هارد لك، وأتمنى من كل قلبي أن اللاعبين ترحل عن النادي، وكل نادي بيتفاوض مع لاعب في الزمالك أتمنى أن ينجح في التعاقد معه».
و أكمل «ماحدث من كارتيرون لا أخلاق ولا كورة دي أسوء نسخة للاعبي الزمالك لا تسديد ولا أي شيء خلال المباراة لم ينجحوا في الدفاع عن كرامة الزمالك نهائيًا.. باتشيكو كان بيوصل للمرمى وكنا بنعمل 12 فرصة والنهاردة لا فرص ولا تسجيل مفيش لاعب واحد 20% ولا 30% في مستواه ده والموضوع منتهي خلاص والزمالك مستني هدية من الترجي».
وأختتم: ما حدث نوع من أنواع العبث تضمن منين عدم حصول كارتيرون على عرض ورحيله عن الزمالك مين يضمن.
