كشف عماد متعب نجم النادي الأهلي عن ذكرياته مع التحكيم سواء في الدوري المصري أو في البطولات الأفريقية، وعن وجود مجاملات للنادي الأهلي خلال مسيرته رفقة القلعة الحمراء من عدمه.
و قال خلال حديثه ببرنامج «var»، الذي يقدمه الحكمان السابقان سمير محمود عثمان وأحمد الشناوي: «ذكريات كتير مع التحكيم حلوة ووحشة حالة حال أي حاجة موجودة في الحياة، اللاعب بيخطئ والمدرب بيخطئ والحكم بيخطئ، أوقات اتظلمنا وأوقات ناخد حقنا».
وبسؤاله عن مدى وجود مجاملات مقصودة للنادي الأهلي، قال عماد متعب: «مفيش مجاملة مقصودة، ممكن سوء تقدير من الحكم و المباراة اللي لعبتها وكنت أحتاج فيها الفار هي مباراة النجم الساحلي في نهائي أفريقيا لأننا اتظلمنا، طرد النحاس كان سليم ولكن كان لينا ركلتين جزاء في الشوط التاني».
واختتم «اللعب في أفريقيا والتحكيم في أفريقيا كل الناس عارفاه وبيحصل حاجات إحنا مش متوقعينها في الملعب، مباراة الخمسة ركلة الجزاء اللي اتحسبت الشناوي ملمسش لاعب صن داونز، فيه هدف سجلته مع المنتخب كان تسلل بمتر كامل في مباراة بنين في بطولة 2010 والحكم احتسب الهدف على الرغم إنه كان تسلل ولو الفار موجود كان الهدف اتلغى بنسبة 100%».
