علق الناقد الرياضي حسن المستكاوي على تصريحات كارلوس كيروش اليوم قائلاً : ” كارلوس كيروش ليس انهزاميًا.. وأنا معترض إن يكون حلمنا هو الوصول لكأس العالم والاتحاد اتعاقد معاه عشان كدة ”
تابع في مداخلة هاتفية خلال برنامج ” كلمة أخيرة ” الذي تقدمه الاعلامية لميس الحديدي على شاشة ” ON قائلاً : ” كيروش عنده حق لما قال إن مفيش مدرب قبل بطولة يقول هاخدها وهكسبها.. الكورة فيها نتايج غريبة ومتغيرة، ولو قال “هاخد البطولة” الناس هتهاجمه أكتر.”
تابع :” تصريحات كيروش ليس فيها عدم اهتمام ببطولة كأس الأمم.. وهو مهتم جدًا بالبطولة زي ما كان مهتم قبل كده ”
وعلقت الحديدي قائلة : المدير الفني للمنتخب منه لربنا ومحدش بيكلمه! وفينجادا “الشبح الخفي” اللي بياخد 60 ألف دولار في الشهر بيعمل إية؟ ليرد المستكاوي قائلاً : ” اللي تعاقد مع كيروش أكيد قعد معاه وحدد الهدف، ومفيش حد بيحاسب حد..ووالله لو فينجادا بيعمل حاجة محدش هيتكلم
إستطرد : ” إحنا بقالنا 10 سنين مش بلعب كورة كويسة، ولو بنعلب كورة كويسة الجمهور مش هيزعل لو خسرنا بطولات ومباريات ”
واصل : ” شيء خطير جدا لما يتم تأجيل مباراة والمدير الفني للمنتخب ميكونش عارف كدة.. وجميع الاتحادات المصرية اللي تولت اتحاد الكرة مكانش عندها مشروع، والاتحاد الجديد لازم يعمل مشروع”
أتم : ” بنروح كأس العالم ومبنلعبش كورة لأن مفيش مشروع كروي لدى اتحاد الكرة.
