عصام عبد الفتاح نبدا نعد من الان للبطولات القادمة التحكيم المصري على مستوى إفريقيا كويس جداً

علق كابتن عصام عبد الفتاح رئيس لجنة الحكام بإتحاد الكرة على غياب التحكيم المصري عن مونديال الدوحة 2022 قائلاً : هناك إنزعاج بين الناس بسبب ذلك بس الناس محتاجة تفهم أكتر أنه على مدار تاريخ التحكيم المصري الي راحوا كاس العالم هما خمس حكام مصريين فقط وتقريباً ثلاثة مساعدين وبالتالي عندما يذهب مساعد حكم واحد بعد غياب المنتخب المصري ده شرف كبير لانه مش دائماً التحكيم في كل دولة بيبقى في القمة على طول ”
تابع خلال مداخلة ” عبر برنامج ” كلمة أخيرة ” الذي تقدمه الاعلامية لميس الحديدي على شاشة ON”: في النهاية مسابقة بين الحكام تختلف من دورة لدورة وإحنا عندنا 54 دولة في إفريقيا والي هيروح فقط 5 حكام و10 مساعدين وتمثيل مصر شرف كبير ”
أكمل : الناس مش فاهمة مش لازم يكون لي حكم ووجود مساعد شرف كبير خاصة أن المنتخب المصري غير ممثل في الاساس وإسمنا هيذكر أننا ممثلين بمساعد حكم ”
وقاطعته الحديدي الا يزعجك وجود خمس حكام من إفريقيا وفيه واحدة ست ده غير العالم العربي وحكام مساعدين من دول إفريقية وعربية هل تلك الاحسائية لم تزعجك اليست مؤشر على مستوى التحكيم المصري ؟ مش لازم إزاي هوا إحنا كده في القاع ؟ قال : بتحاسبيني على حاجة رغم أني رئيس لجنة التحكيم منذ أربعة اشهر فقط ولكن رغم ذلك فعلى مدار التاريخ مكنش فيه غير خمس حكام مصريين على مستوى كاس العالم .
واصل : “عاوزين نبدا نعد من الان للبطولات القادمة التحكيم المصري على مستوى إفريقيا كويس جداً وفيه مستويات كويسة زي أمين عمر ومحمود البنا ومحمد معروف واحمد الغندور وماشيين كويس لكن إختيارات كاس العالم بتمشي بشكل ومعايير مختلفة مثلاً في بعض الاوقات بيدوا فرص لحكام جداد “