وجه الإعلامي أحمد سعيد، نصيحه لـ ناصر ماهر، لاعب الفريق الأول لكرة القدم بنادي الزمالك، بعد تصريحاته عن أساطير القلعة البيضاء.
وقال في تصريحات خلال فقرة (صد رد) عبر برنامجه كلام في الكورة الذي يبث عبر فضائية الشمس: معنديش مشكلة أن أي لاعب يبقى عايز يقرب من جمهوره لكن مش على حساب نفسه هو لأنه كده هيسيئ لنفسه ولمصداقيته ولعقله كمان”.
وتابع سعيد:” ما هو اللي يشوف الأهلي مفيهوش أساطير ده مينفعش يلعب كورة من الأساس وآخره يتفرج على تنس ومش هيفهمها بردوا؛ لأنها محتاجة شخص عنده مخ وبيفهم”.
وأردف:” بقى الشناوي حارس مصر في المونديال والأوليمبياد وأول من جمع بين المان أوف ذا ماتش في مونديال المنتخبات والأندية وأفضل لاعب مش بس حارس في إفريقيا بإختيار الكاف مش أسطورة؟!”.
وأكمل أحمد سعيد:”بقى معلول ملك الحلول اللي من ٢٠١٦ مفيش ظهير فيكي يا إفريقيا قرب من ربع تأثيره حتى، وأفضل لاعب في مصر ودوري الأبطال رقميا كل سنة مش أسطورة؟!”
واستطرد:” بقى اللاعب اللي معرفش يسنتر حتى في كأس العالم ولو مرة أسطورة وحسين الشحات اللي مسجل في ٤ نسخ ومعاه فضية و٣ برونزية ومساهم في ٣ دوري أبطال مش أسطورة!”
وواصل:” كهربا صاحب أفضل هدف في إفريقيا وهداف دوري الأبطال واللي مسجل في مسيرته فوق ال١٠٠ هدف واللي مساهم بشكل مباشر في كل بطولات الأهلي الأخيرة ولا بيرسي تاو محترف البريمرليج وأفضل لاعب في القارة ولا السولية لاعب الوسط اللي مسجل في ٣ نهائيات إفريقية كل دول مش أساطير وفقا لحسبة ناصر لكن اللاعيبة المحلية هي الأساطير!”
تصدق ده حتى التنس فعلا هتبقى صعبة عليك انت تبعد عن الرياضة خالص.
